БНХАУ-ын Гуанжу хотноо жүдо бөхийн Мастерс-2018 тэмцээний хоёр дахь өдөр хүнд жингийн барилдаануудаар үргэлжлэн явагдаж байна.

Эрэгтэйчүүдийн -100кг жинд ОУХМ Л.Отгонбаатар эхний тойрогт гоц мөргөж хоёрдугаар тойрогт дэлхийн аваргын алт, мөнгө, хүрэл медальт ОХУ-ын Иляасов Ниязтай урамтай сайхан барилдан торгуулиар цэвэр ялсан. 

D хэсгийн аваргын төлөө Японы Ийда Кентарог ялан хагас шигшээд шалгарсан.

Дөнгөж сая Л.Отгонбаатар хагас шигшээд дэлхийн аваргын хүрэл медальт Египт улсын жүдоч Дарвиш Рамадантай барилдан нэмэлт цаг дээр ялж "Мастерс-2018"-д финалдлаа.  

Финалд Рио-2016 Олимпийн мөнгө, дэлхийн гурван удаагийн мөнгө, хоёр хүрэл медальт Гүржийн Липартелиани Варлам аваргатай барилдана.  

Л.Отгонбаатар 2500 оноотойгоор дэлхийн чансааны 17-д эрэмблэгдэж байгаа бол Гүржийн Липартелиани Варлам 6558 оноотойгоор дэлхийн чансааг тэргүүлж байна. Хоёр жүдоч хоорондоо гурван удаа хоорондоо учраа таарч Гүржийн Липартелиани Варлам гурван удаа ялаад байгаа юм. Гүржийн Липартелиани Варлам өнгөрсөн жилийн Мастерс түрүүлж байсан юм. 

Шууд үзэх:

Хэрэв та уг барилдааныг үзэж амжаагүй бол шууд дамжуулалтын видеог ухраан нөхөж үзэх боломжтой юм.