Сонирхогчдын боксын IBA холбооноос зохион байгуулж буй боксын эмэгтэйчүүдийн дэлхийн аварга шалгаруулах тэмцээний хоёр дахь өдрийн тулааныг шууд дамжуулан үзүүлж байна. 

Серби улсын Ниш хотноо зохион байгуулагдаж буй энэ удаагийн ДАШТ-ийг маш өндөр шагналын сантайгаар зохион байгуулж буй нь өдрөөс өдөрт гишүүнчлэл нь цөөрч буй IBA холбооны авч хэрэгжүүлж буй нэг хөшүүрэг хэмээн дүгнэхэд хилсдэхгүй. 52 орны 240 боксчид 12 жинд оролцож байгаа Монгол улсаас "Монголын олон улсын боксын холбоо"-г төлөөлж МУГД А.Гантулгаар удирдуулсан гурван боксчин 52, 54, 57 кг жинд оролцож байна.

57кг жинд хамгийн олон буюу 30 боксчин оролцож байгаа ба Ази тивийн аварга, ОУХМ Т.Болортуул эхний тойрогт Ардчилсан Солонгосын Ку-тай оноолт таарсан байна. Т.Болортуул өнөө шөнө /гуравдугаар сарын 10-наас 11-нд шилжих шөнийн 02:00 цагт тулалдана/

54кг жинд 29 боксчин өрсөлдөж байгаа ба Н.Оюун-Эрдэнэ эхний тойрогт Саудын Арабын боксчинтой тулалдана. Тэрээр тун удахгүй В рингэнд тулалдах хуваарьтай байна. /ес дэх тулаан/

52кг жинд манай залуу боксчин Ч.Ариунзул эхний тойрогт гоц мөргөж улмаар хоёрдугаар тойрогт Танзанийн боксчинтой тулалдах оноолттой байна.