Монголын холимог тулааны MGL-1 холбооны хошой аварга, дэлхийн тэргүүлэх One championship холбооны хагас хөнгөн жин буюу 66кг жингийн чансааны шилдэг тулаанч Б.Энх-Оргил ээлжит өрсөлдөгчөө илүүрхэн буулган авлаа.
"ONE Fight Night 29" тулаан өнгөрөгч амралтын өдөр (гуравдугаар сарын 8-ны өдөр) зохион байгуулагдлаа. Энэхүү тулаанд Б.Энх-Оргил жингийнхээ 5-т эрэмбэлэгдэж буй Филиппиний Жереми Пакативтай тулалдлаа.
Тулааны эхэнд Б.Энх-Оргил огцом эргэлттэй өшиглөлтөөр өрсөлдөгчөө хүнд байдалд оруулснаар гурван үеийн турш хэвтээ байрлалд илүүрхсээр ээлжит ялалтаа авлаа.
Тулааны бүрэн бичлэгийн 2:16:00 цагт Б.Энх-Оргилын тулаан агуулагдаж буй болно.
Ийнхүү жингийнхээ топ 5-д эрэмбэлэгдэж буй өрсөлдөгчөө буулган авсан Б.Энх-Оргилын хувьд аваргын бүсний төлөө тулалдах боломжоо ахиулж байна.
