"NIGHT OF CHAMPIONS" мэргэжлийн боксын аваргын бүсний төлөөх тулаан зохион байгуулагдахад хоёр хоног үлдлээ.  

Энэ сарын 15-ны өдөр зохион байгуулагдах "NIGHT OF CHAMPIONS"-д монгол боксчдын эсрэг тулалдах гаднын боксчдыг цувралаар танилцуулж байна. 

МУГТ Э.Цэндбаатартай тулалдах Мексикийн боксчин Педро Берналын талаарх мэдээллийг ЭНД дарж үзнэ үү. 

Олимп, ДАШТ-ий мөнгөн медальт, мэргэжлийн боксын IBO холбооны дэлхийн аварга, МУГТ Н.Төгсцогттой тулах Филиппин улсын боксчин Марк Антоны Сэйлесийн мэдээллийг ЭНД дарж үзнэ үү. 

Э.Баярсайхантай тулалдах Узбекистан боксчин Ибрахим Абдуллаевын мэдээллийг ЭНД дарж үзнэ үү. 

Энэ үдэш бас нэгэн сонирхолтой тулаан явагдах нь монголын боксын үндэсний шигшээ багийн тамирчин О.Бямба-Эрдэнэ мэргэжлийн рингэнд анхны тулаанаа хийх юм. Ази тивийн аваргын хошой хүрэл медальт, дэлxийн цомын тэмцээний хүрэл медальт, Улаанбаатар цом тэмцээний алт, мөнгөн медальт ОУХМ О.Бямба-Эрдэнэ хэдийнээс хүчирхэг нударгатай гэдгийг бокс сонирхогчид андахгүй мэднэ. Тэрээр сонирхогчдын ангилалд нийт 54 тулаан бүртгүүлснээс 35 тулаанд нь ялалт байгуулсан түүхтэй. Үүний долоод нь өрсөлдөгчөө хүнд цохилтоор буулган авч байлаа. ОУХМ О.Бямба-Эрдэнийн мэргэжлийн тулааны эхний учраа нь ОXУ-ын 31 настай боксчин Александр Маслов байх юм. М.Александрын хувьд ОХУ-ын Улаан-Үд хотоос гаралтай бөгөөд мэргэжлийн долоон тулаанд орж хоёр ялж, тав ялагдсан замналтай. Хамгийн сүүлд өнгөрсөн оны 12 дугаар сард тулаанд орсон байна. 

Та бүхэн дэлxийн хэмжээний гал гарсан, ширүүн өрсөлдөөнийг эх орондоо, дэргэдээс нь үзэхийг хүсвэл энэ сарын 15-нд ASA Arena-г зориорой.

Монгол ширэн бээлийтнүүддээ амжилтын дээдийг хүсэн ерөөе.