Мэргэжлийн снукер биллиардын Уэлс Опен тэмцээний эхний тойрог өндөрлөлөө. 

Энэ сарын 10-ны өдөр эхэлсэн тус тэмцээний эхний тойрогт 64 тамирчин өрсөлдлөө. Тэмцээний чансааг өмнөх оны Уэлс Опен тэмцээний аварга Гары Уилсон тэргүүлэн тоглосон ч Энэтхэгийн тамирчин Ишприйт Сингх Чадхад эхний тойрогт хожигдон тэмцээнээ өндөрлүүлээ. Энэтхэг тамирчны хувьд Энглиш Опен тэмцээнд Марк Селби аваргыг хожсоноос гадна хагас шигшээ хүртэл явсан нь түүнийг олны анхаарлын төвд оруулаад байгаа юм. 

Ямагт үзэгчдийн анхаарлын төвд байдаг домогт Ронни О Сулливан дахин тэмцээнийг өнжлөө. Тэрээр энэ улиралд чансааны оноо олгох зургаан тэмцээнийг өнжөөд байна. "Пуужин" хочит аваргын хувьд 1992 оноос мэргэжлийн карьераа эхлүүлснээс хойш дэлхийд долоо, чансааны оноо олгох 41 тэмцээнд түрүүлж түүхэн амжилтыг бий болгосон ч сүүлийн үед тэмцээнийг ихээр өнжиж байгаа нь үзэгчдийн сэтгэлийг гонсойлгож байгаа билээ. 

Нэгдүгээр тойрогт Шаун Мөрфи, Стуарт Бингхам нарын дэлхийн аваргууд хожигдон тэмцээний мөн өндөрлүүллээ.