Хэдхэн хоногийн дараа Монгол улсад анх удаа мэргэжлийн боксын аваргын бүсний төлөөх тулаан болох гэж байна. 

Тодруулбал энэ сарын 15-ны өдөр МУГТ Э.Цэндбаатар WBA холбооны Ази тивийн аваргын бүсээ хамгаалах тулааныг Мексикийн боксчин Педро Берналтай хийх юм.

"NIGHT OF CHAMPIONS" хэмээн нэрийдсэн энэхүү үдэш олимп, ДАШТ-ий мөнгөн медальт, мэргэжлийн боксын IBO холбооны дэлхийн аварга, МУГТ Н.Төгсцогт нарын найман монгол боксчид гадны шилдэг боксчидтой тулалдана. 

Спорт мэдээ, мэдээллийн www.livetv.mn/sport суваг "NIGHT OF CHAMPIONS"-д монгол тамирчдын эсрэг тулалдах гадны боксчдыг цувралаар танилцуулж байна. 

МУГТ Э.Цэндбаатартай тулалдах Мексикийн боксчин Педро Бернал гэж хэн бэ?

Тэрээр энэ жил 26 настай бөгөөд (Э.Цэндбаатар 28 настай) 2018 оноос мэргэжлийн карьераа эхлүүлж байжээ. Карьерынхаа туршид нийт 17 тулаанд орж 14 ялж, нэг ялагдан, хоёр удаа тэнцэж байсан дардан замналтай боксчин юм. Мөн тэрээр WBC холбооны хөнгөн жингийн залуучуудын Дэлxийн аварга болж байсан түүхтэй. 

Б.Педро өмнө нь зургаан өрсөлдөгчөө хүнд цохилтоор буулган авч байсан ба хамгийн сүүлд буюу 2023 оны 12 сард Мексик боксчин Марио Викторино Вераг хэрхэн буулган авсан тулааны бичлэгийг толилуулж байна.