Мэргэжлийн дартсын корпорацаас (PDC) зохион байгуулдаг мэргэжлийн дартсын Мастерс тэмцээн өнөөдөр эхэлнэ. 

2013 оноос зохион байгуулагдаж эхэлсэн мэргэжлийн дартсын тэмцээнд энэ цагийн шилдэг 24 тамирчин болон урьдчилсан шатнаас шалгарсан найм буюу нийт 32 тамирчин өрсөлддөг нэр хүндтэй тэмцээн юм. 2013, 2014 онд Шотланд улсад анх зохион байгуулагдаж байсан тус тэмцээн 2015 оноос хойш тасралтгүй Англи улсад зохион байгуулагдсаар байна. 

Өнгөрсөн хугацаанд дэлхийн гурван удаагийн аварга, Нидерландын домогт Майкл Ван Гервин хамгийн олон удаа буюу зургаан удаа мастерсийн финалд шалгарч таван удаад нь түрүүлсэн байдаг. 

13 дахь удаагийн мастерс тэмцээн нэгдүгээр сарын 30-ны өдрөөс хоёрдугаар сарын 2-ны хооронд зохион байгуулагдах ба энэ цагийн шилдэг тамирчид өрсөлдөнө. Мастерсийн шагналын сан анх зохион байгуулагдаж эхэлснээсээ хойш бага багаар өсөж байсан бол энэ удаа огцом нэмэгдэж нийт 500 мянган фунт стерлинг буюу монгол мөнгөөр хоёр тэрбум гаруй төгрөг болж байна. 

Мастерсийг дэлхийн чансааны 1-т эрэмбэлэгдэж буй 2024 оны дэлхийн аварга Лук Хамприс тэргүүлж байгаа бол шинэхэн дэлхийн аварга Лук Литтлер 2-т эрэмбэлэгдэж байна.