Мэргэжлийн снукер биллиардын зөвхөн шилдгүүд урилгаар оролцдог мастерс тэмцээн дуулиантай эхэллээ. 

Тэмцээний салхийг хагалан Нейл Робертсон болон Жон Хиггинс нарын дэлхийн аваргууд туллаа. Нейл Робертсон нь Ронни аваргын оронд тэмцээнд оролцож байгаа бөгөөд эхний өрөгт хожил байгуулсны дараа тав дараалан хожигдож ахиад нэг л хожигдоход тэмцээнээ өндөрлүүлэх нөхцөлд байлаа. Харин энэ мөчид Нейл огцом эргэлт хийж дараалан таван хожил байгуулснаар шөвгийн наймд шалгарлаа.  

Тоглолтын дараа Жон Хиггинс: "Би өөрийгөө муу тоглосон гэж бодохгүй байна. Нейл харин надаас илүү байж хэний ч санаанд оромжгүй эргэн ирэлтийг хийлээ" 

Мастерсийн түүхэнд 5:1 харьцаагаар хожигдож байгаад 6:5 харьцаагаар хожил байгуулсан зургаа дахь тохиолдол нь энэ боллоо. Хамгийн сонирхолтой нь 2020 оны Мастерст Нейл Робертсон өөрөө Стивен Магуайрыг 5:1 харьцаагаар хожиж яваад 6:5 харьцаагаар хожигдож байсан түүхтэй. 

Харин хоёр дахь тоглолтод 2005 оны дэлхийн аварга Шаун Мөрфи болон Гар Уилсон нарын тоглолт 6:3 харьцаагаар Шаун Мөрфи аварга ялалт байгуулж шөвгийн наймд Нейл Робертсонтой тулахаар боллоо. Нейл Робертсон болон Шаун Мөрфи нарын мастерсийн түүх маш сонирхолтой ба 2012, 2015 онуудын шигшээ тоглолтод тунаж хэн хэнийгээ хожин түрүүлж байсан түүхтэй. 

Өнөөдөр хуваарь ёсоор дараагийн хоёр тоглолт явагдах ба Марк Уиллиамс болон Дин Жунхуй, Марк Селби болон Али Картер нар өрсөлдөнө.