Мэргэжлийн дартсын корпорацаас (PDC) зохион байгуулдаг 32 дахь удаагийн дартсын дэлхийн аварга шалгаруулах тэмцээн зохион байгуулагдаж байна.
Энэ сарын 15-н өдөр эхэлсэн ДАШТ 2025 оны нэгдүгээр сарын 3-ны өдөр аваргаа тодруулах хуваарьтай байна. Уламжлал ёсоор ДАШТ-д нийт 96 тамирчин оролцдог ба дэлхийн чансааг тэргүүлэгч 32 тамирчин, Pro Tour тэмцээнүүдээс шалгарсан 32, тэгшитгэх зарчмаар сонгогдсон 32 тамирчин нийлж дэлхийн аваргын өрсөлдөөнийг бий болгож байна.
Яг одоо шөвгийн 16-ын төлөөх өрсөлдөөн явагдаж байгаа ба дэлхийн чансааг тэргүүлэгч бөгөөд өнгөрсөн оны дэлхийн аварга Лук Хамприс, дэлхийн хошой аварга Петр Врайт, дэлхийн аварга Гервин Прайс, дэлхийн гурван удаагийн аварга Майкл ван Гервин нар таамгийн дагуу шөвгийн 16-д шалгараад байна.
Дартсчдын хүсэн хүлээдэг 9 сумын хоёр ч эзэн тодроод байгаа ба Нидерландын Кристиан Кист эхний тойрогт, хоёрдугаар тойрогт Австралийн Дэмон Хета тус тус хийсэн байна.
