Боксын спортын хамгийн оргил мөч бол мэдээж хүнд цохилтоор ялалт байгуулах явдал гэдэгтэй хэн ч маргахгүй биз ээ.
Тэгвэл боксын спорт сонирхогчдодоо зориулан бүх цаг үеийн хамгийн богино хугацаанд хүнд цохилтоор ялалт байгуулсан тулаануудыг цувралаар танилцуулж байна.
Жералд МакКлеллан 20 секунд:
WBC болон WBO холбооны дунд жингийн аварга асан Жералд МакКлеллан карьерынхаа туршид 34 тулаанд орж 31 ялахдаа 29 өрсөлдөгчөө хүнд цохилтоор буулган авсан байдаг. Тэрээр 1993 онд WBC холбооны аваргын бүсээ хамгаалах тулаанд Жей Беллийг буулган авахад ердөө 20 секунд л зарцуулсан юм. Тэрээр хэвлийд солгой гарын хүчтэй цохилт хийхэд өрсөлдөгч босч чадаагүй юм.
Девид Туа 19 секунд
Шинэ Зеланд боксчин Дэвид Туа нь 1992 онд олимпын наадмаас хүрэл медаль хүртэж байснаас гадна сонирхогчдын боксын дэлхийн аваргаас ч мөн хүрэл медаль хүртэж байсан нэгэн юм. Тэрээр өрсөлдөгчөө богино хугацаанд хүнд цохилтоор буулган авдагаараа зартай нэгэн байсан ба 16 өрсөлдөгчөө нэгдүгээр үед буулган авсан байдаг. 1993 оны гуравдугаар сард WBC холбоонд Жон Руйзтай тулалдахдаа 19 секундын дотор ялалт байгуулсан нь түүхэнд бичигдэн үлджээ.
