2024 оны Жюү Жицүгийн дэлхийн аварга шалгаруулах тэмцээн Грек улсад энэ сарын 23-наас 11 сарын 4-ний хооронд зохион байгуулагдана.
Өнгөрсөн жил Монгол улсад зохион байгуулагдсан дэлхийн аварга шалгаруулах тэмцээнээс манай хоёр тамирчин хүрэл медаль хүртэж байлаа. Тэгвэл энэ удаагийн дэлхийн аварга шалгаруулах тэмцээнд манай улсаас насанд хүрэгчийн ангилалд найм тамирчин, өсвөрийн долоон тамирчин буюу нийт 15 тамирчин өрсөлдөхөөр Грек улсын зүг хүлгийн жолоо заллаа.
Эх орноо төлөөлөн дэлхийн дэвжээнд өрсөлдөх Г.Монголжин ахлагчтай нийт баг, тамирчдадаа амжилтын дээдийг хүсэн ерөөе.
