Мэргэжлийн снукер биллиардын дэлхийн чансааны оноо олгох Ирландын Опен уламжлалт тэмцээн ес дэх удаагаа зохион байгуулагдаж байна.
2016 оноос Их Британийн дөрвөн үндэстэн болон Шотланд, Уэльс, Ирланд, Английн нэрээр нэрлэгдсэн дөрвөн опен тэмцээн жил бүр зохион байгуулагддаг болсон билээ. Тэдний нэг болох Ирландын опен тэмцээн ес дэх удаа өнөөдөр зохион байгуулагдаж байна. Түрүүлсэн тамирчин нь дэлхийн хошой аварга, Ирландын домогт Алекс Хиггинсийн цомыг хүртдэг ба одоогоор Ирландын опен тэмцээнд дэлхийн чансааг тэргүүлэгч Жадд Трамп дөрвөн удаа буюу хамгийн олон удаа түрүүлээд байгаа бол "нутгийн хүү" Ирландын Марк Аллен 2021, 2022 онуудад хоёр удаа нутагтаа түрүүлээд байна.
Уламжлал ёсоор Белфаст хотын Вотерфронт Холл ордонд урьдчилсан шатнаас шалгарсан 32 тамирчин болон дэлхийн чансааг өнгөлж буй 32 тамирчин зэрэг нийт 64 тамирчин энэ сарын 20-ны өдрөөс 22-ны хооронд өрсөлдөнө.
