Чөлөөт, сонгомол бөхийн мастеруудын дэлхийн аварга шалгаруулах тэмцээн Хорват улсын Порец хотноо зохион байгуулагдаж байна. 

Мастеруудын дэлхийн аварга шалгаруулах тэмцээн нь дараах таван насны ангиллаар зохион байгуулагдаж байгаа ба манай улсаас 33 хүний өргөн бүрэлдэхүүнтэй оролцож байна. Үүнд: А ангилал: 35-40 нас, В ангилал: 41-45 нас, С ангилал: 46-50 нас, D ангилал: 51-55 нас, Е ангилал: 56-60 нас

Энэ сарын 8-ны өдөр дэлхийн аварга шалгаруулах тэмцээн В болон Е ангиллын барилдаануудаар эхэллээ. Эхний өдөр манай улсаас В ангиллын -70кг жинд хүч үзсэн С.Сайнбаяр, -88кг жинд Л.Батмөнх, 130кг жинд Д.Цэвэлсодном нар шагналт байранд орсон бол -100кг жинд Д.Уламсайхан мөнгөн медаль, Е ангиллын 130кг жинд Ц.Анхбаяр хүрэл тус тус хүртлээ. 

Тэгвэл өчигдөр буюу 10 дугаар сарын 9-ний өдөр С болон D ангиллын барилдаанууд явагдаж С ангиллын 130кг жинд А.Алтанхуяг, D ангиллын 70кг жинд Н.Баатар нар алтан медаль хүртэж эх орныхоо төрийн дууллыг эгшиглүүллээ. Мөн түүнчлэн D ангиллын 130кг жинд Ш.Баянмөнх хүрэл медаль хүртсэн байна. Н.Баатарын хувьд ийнхүү дэлхийн хошой аварга болж байгаа бол Ш.Баянмөнх ахмадын ДАШТ-ээс 11 дэх медалиа хүртэж буй нь энэ юм. Тэрээр өмнө нь гурван мөнгө, долоон хүрэл медаль хүртээд байсан юм.  

Өнөөдөр чөлөөт бөхийн сүүлчийн өдөр А ангиллын барилдаанууд явагдах ба манай улсаас дараах бөхчүүд зодоглоно. 

-62кг жинд: Т.Даваахуяг, -70кг жинд Б.Ган-Эрдэнэ, -88кг жинд Э.Ган-Эрдэнэ, М.Жанарбек, Ц.Батбаяр, -100кг жинд С.Буман-Эрдэнэ,