Мэргэжлийн снукер биллиардын 2023 оны "Аваргуудын аварга" шалгаруулах тэмцээн зохион байгуулагдаж байна. 

1978 онд анх зохион байгуулагдаж эхэлсэн ч 1980 оноос 2013 он хүртэл тасарсан уг тэмцээн сүүлийн 11 жил тасралтгүй зохион байгуулагдаж байна. Энэхүү тэмцээний онцлог нь дэлхийн чансааны оноо олгодоггүй ч сүүлийн 12 сарын хугацаанд тэмцээнүүдэд түрүүлсэн аваргуудыг урилгаар оролцуулдаг тэмцээн юм. Өнгөрөгч хугацаанд "Аваргуудын аварга" шалгаруулах тэмцээнд домогт Ронни Сулливан аварга зургаан удаа шигшээд шалгарч дөрвөн удаа (2013, 2014, 2018, 2022) түрүүлсэн байдаг. 

13 дахь удаагийн "Аваргуудын аварга" шалгаруулах тэмцээнд 16 аварга оролцож байгаа ба одоогийн байдлаар Марк Аллен хагас шигшээд тунан үлдээд байна. Марк Аллений хувьд "Аваргуудын аварга" шалгаруулах тэмцээний шигшээд хоёр удаа шалгарч байсан ба 2020 онд түрүү хүртэж байлаа.  

Марк Аллен өнгөрч 12 сарын хугацаанд Uk Championship, Дэлхийн гран при тэмцээнүүдэд түрүүлэн "Аваргуудын аварга" шалгаруулах тэмцээнд оролцох эрхээ авсан байдаг. Тэрээр эхний тойрогт агуу Жимми Уайтыг, хэсгийн аваргын төлөө Али Картерийг буулган авч хагас шигшээд шалгараад байна.