Японы мэргэжлийн сумо бөхийн Нагоя башёгийн сүүлийн буюу шийдвэрлэх 15 дахь өдрийн барилдааны тоймыг толилуулж байна. 

Монгол бөх ээлжит нэгэн түрүүг авлаа. Энэ бол Секивакэ цол дээрээс барилдсан Тацүнами дэвжээний бөх Хошорюү С.Бямбасүрэн байлаа. Тэрээр сүүлийн хоёр башё дараалан 10-аас дээш давж энэ удаагийн Нагоя башёд Озеки цолны болзол сонсон барилдсан юм. 

Сүүлийн өдрийн барилдаанд Хошёорюү С.Бямбасүрэн, маэгаширагийн 17-оос барилдсан Хакүохо, маэгаширагийн 9-өөс барилдсан Хокутофүжи нарын гурван бөх түрүү бөхийн төлөө өрсөлдсөн ба эхлээд Хокүтофүжи маэгаширагийн тэргүүнд эрэмбэлэгдсэн Нишикигигээр даваагаа авлаа. Харин Хошёорюү С.Бямбасүрэн энэ башёд шуугиан тарьж буй залуу бөх Хакүохог давж түрүү бөхийн төлөөх нэмэлт барилдаан гарсан юм. Башёгийн 12 дахь өдөр хоёр бөх хоорондоо таарахад Хокүтофүжи даваад байсан бол шийдвэрлэх нэмэлт барилдаанд Хошёорюү С.Бямбасүрэн давж анхныхаа түрүүг хүртлээ. Мөн түүнчлэн Хошёорюү С.Бямбасүрэн мэргэжлийн сумо бөхийн түүхэн дэх монголын долоо дахь Озеки цолтой бөх болж байна.