Сонирхогчдын боксын насанд хүрэгчдийн эрэгтэйчүүдийн дэлхийн аварга шалгаруулах тэмцээн өнөөдөр албан ёсоор эхэлнэ.
Узбекистан улсын Ташкент хотноо эрэгтэйчүүд 13 жинд өрсөлдөн аваргуудаа тодруулна. Нийт 5.2 сая ам.долларын шагналын сантай тус ДАШТ-ий жин тус бүрд түрүүлсэн тамирчин 200.000 ам.долларын шагнал хүртэх бол мөнгөн медаль хүртсэн тамирчин 100.000 ам.доллар, хүрэл медаль хүртсэн тамирчид 50.000 ам.доллар тус тус хүртэнэ. Нийт 107 орны 538 тамирчин өрсөлдөхөөр эцсийн мэдүүлэг гараад байгаа ба манай улсаас 10 жинд өрсөлдөх баг, бүрэлдэхүүний мэдээллийг ЭНД дарж үзнэ үү.
Өнөөдөр ДАШТ-ийг салхийг хагалан манай хоёр боксчин тулалдана.
57 кг жинд Хархүүгийн Энх-Амар эхний тулаанаа 2018 оны газар дундын тэнгисийн наадмын аварга, Туркын С.Батухантай тулалдана.
60 кг жинд Тэгшжаргалын Энхтөр Палестиний боксчинтой тулалдана.
Тулаан өнөөдөр Улаанбаатарын цагаар 20:00 цагт эхлэх хуваарьтай байна.
