Жүдо бөхийн цуврал тэмцээнүүдийн нэг болох "HONG KONG ASIAN OPEN 2018" өнөөдөр хөнгөн жингийн барилдаануудаар эхэллээ.
Манайхнаас өнөөдөр эрэгтэйчүүдийн -60кг, 66кг, 73кг жингүүдэд 6 бөх барилдсан ба эмэгтэйчүүдийн -52кг, -57кг, -63кг жингүүдэд 8 бөх, нийт 14 бөх барилдлаа.
Тэмцээний эхний өдрийн барилдаанууд дуусч манай бөхчүүд дараах амжилтуудыг үзүүллээ.
- Эмэгтэйчүүдийн -52кг жинд Л.Сосорбарам алтан медаль
- Эмэгтэйчүүдийн -52кг жинд Б.Хорлоодой мөнгөн медаль
- Эрэгтэйчүүдийн -66кг жинд Д.Төмөрхүлэг хүрэл медаль
- Эрэгтэйчүүдийн -73кг жинд Н.Хадбаатар хүрэл медаль
- Эмэгтэйчүүдийн -63кг ижнд Ц.Сүнжидмаа шагналт тавдугаар байр
- Эрэгтэйчүүдийн -60кг жинд Д.Билгүүн шагналт тавдугаар байр
- Эрэгтэйчүүдийн -73кг жинд Г.Чойжилсүрэн шагналт тавдугаар байр
- Эмэгтэйчүүдийн -52кг жинд О.Дуламжав шагналт долоодугаар байр тус тус эзэлсэн амжилтаар 29 орны жүдочдоос медалийн чанараар хоёрдугаарт эрэмблэгдэж байна.
Манай бөхчүүд нэг жинд алт, хүрэл медалиудын төлөө хоорондоо таарч барилдаж манай жүдо бөхийн залгамж халаа болсон залуу бөхчүүд сайн барилдлаа.
Маргааш бусад жингүүдийн барилдаан явагдах ба хөдөлмөрийн баатар, МУГТ Н.Түвшинбаяр тэргүүтэй манай 13 бөх дэвжээнд зодоглоно.
www.livetv.mn сайт тэмцээний талаар мэдээ мэдээллийг цаг тухай бүрт нь шуурхай дамжуулахаар ажиллаж байна.
