Жүдо бөхийн Токиогийн их дуулга тэмцээний сүүлийн өдрийн барилдаан яг одоо явагдаж байна. 

Өнөөдөр манай улсаас 10 бөх хүч үзэж байгаагаас яг одоогийн байдлаар дараах бөхчүүд хэсгийн аваргын төлөө барилдахаар тунан үлдээд байна. 

Эрэгтэйчүүдийн -60 кг жинд:

Энэ оны дэлхийн аваргын мөнгөн медальт Э.Ариунболд хэсгийн аваргын төлөөх барилдаанд Египетийн бөхийн цэвэр ялж хагас шигшээд тунан үлдлээ. 

Эрэгтэйчүүдийн -66 кг жинд: 

Дэлхийн аваргын хүрэл медаль Ё.Басхүү Польш, АНЭУ-ын бөхчүүдийг цэвэр ялж хэсгийн аваргын төлөө 2021 оны залуучуудын дэлхийн аваргын хүрэл медальт Францийн Г.Максимтэй барилдана. 

Эрэгтэйчүүдийн +100 кг жинд 

Парис, Абу Дабыгийн их дуулгуудын аварга О.Цэцэнцэнгэл хэсгийн аваргын төлөө олимп, дэлхийн мөнгөн медальт Японы Харасава Хисаёсшитэй барилдана. Мөн энэхүү жинд хүч үзэж буй Л.Энхболд хоёрдугаар тойрогт Румыны бөхтэй тун удахгүй барилдахаар байна. 

Эмэгтэйчүүдийн -52 кг жинд:

Залуучуудын олимпын мөнгө, залуучуудын дэлхийн аварга Л.Сосорбарам Японы залуу бөхтэй хэсгийн аваргын төлөө учраа таарсан байна. 

Жүдо бөх сонирхогчид маань тэмцээний шууд дамжуулалтыг олон улсын жүдо бөхийн холбооны https://live.ijf.org сайтаас хүлээн авч үзнэ үү.