Японы мэргэжлийн сумо бөхийн Кюүшү башёгийн 14 дэх өдрийн барилдааныг шууд дамжуулан үзүүлж байна.
13 өдрийн дараах байдлаар маэгаширагийн 1-т эрэмбэлэгдэж буй Такаяасү 11 даваа, хоёр унаатайгаар башёг тэргүүлж буй бол түүний араас 10 даваа, гурван унаатай дөрвөн бөх бичигдэж буй нь Озеки Такакейшо, Секиваке Хошёорюү С.Бямбасүрэн, Охо, Аби нар юм.
Тэгвэл өнөөдөр Такаяасү Кагаяакитэй учраа таарсан бол түүний араас нэхэж буй гурван унаатай дөрвөн бөх хоорондоо учраа таарсан байна. Тодруулбал: Секиваке Хошёорюү С.Бямбасүрэн Абитай тав дахь удаагаа учраа таарсан байна. Манай бөх Абитай энэ онд дөрвөн удаа учраа таарч дараалан дөрөв даваад байгаа юм. Харин Озеки Такакейшо болон Охо нар өнөөдөр анх удаа учраа таарч байна.
