Таеквондогийн олимпын эрхийн оноо олгох уламжлалт, чансаа өндөр "Чунчон Кореа Опен" тэмцээнийг шууд дамжуулан үзүүлж байна. 

Нийт таван дэвжээн дээр нэгэн зэрэг явагдаж буй тус тэмцээнд олон, олон орны шилдгүүд цугласан байна. Хуваарь ёсоор тэмцээний хоёр дахь өдөр эрэгтэйчүүдийн -63кг, -68кг, -74кг, -87кг, эмэгтэйчүүдийн -49кг, -57кг, -73кг, +73кг жингийн тулаанууд явагдана. Энэ өдөр манай улсаас дараах тамирчид тулалдана. 

• -63кг жинд манай улсаас гурван тамирчин өрсөлдөж байгаа ба Кёнхи клубын тамирчин Н.Энхбаяр эхний тойрогт "Рио-2016" олимпын хүрэл, дэлхийн гурван удаагийн аварга БНСУ-ын Ким Таехунтай тулалдана. /дөрөвдүгээр дэвжээний хоёр дахь тулаан/ Харин нөгөө хэсэгт үндэсний шигшээ багийн тамирчин Д.Чинзориг эхний тойрогт мөн БНСУ-ын тамирчин Юн Жон Хюктай тулалдана. /хоёрдугаар дэвжээний гурав дахь тулаан/ Мөн түүнчлэн Азийн наадмын хүрэл, оюутны Универсиад наадмын мөнгөн медальт ОУХМ М.Түмэнбаяр тулалдаж байгаа ба эхний тойрогт БНСУ-ын тамирчинтай оноолт таарсан байна. /дөрөвдүгээр дэвжээний гурав дахь тулаан/ Ташрамд сонирхуулахад М.Түмэнбаяр 'Кореа Опен-2017' тэмцээнд /яг энэ танхимд / төрийн дууллаа эгшиглүүлж байлаа. 

• Мөн -68кг жинд үндэсний шигшээ багийн тамирчин Э.Буяншагай эхний тойрогт Тайванийн тамирчинтай тулалдана. /гуравдугаар дэвжээний зургаа дахь тулаан/ Мөн энэ жинд тулалдах үндэсний шигшээ багийн тамирчин Ц.Баянбат эхний тойрогт БНХАУ-ын тамирчинтай тулалдах оноолт гарчээ. /дөрөвдүгээр дэвжээний зургаа дахь тулаан/

НЭГДҮГЭЭР ДЭВЖЭЭГ ШУУД ҮЗЭХ:

ХОЁРДУГААР ДЭВЖЭЭГ ШУУД ҮЗЭХ:

ГУРАВДУГААР ДЭВЖЭЭГ ШУУД ҮЗЭХ:

ДӨРӨВДҮГЭЭР ДЭВЖЭЭГ ШУУД ҮЗЭХ:

ТАВДУГААР ДЭВЖЭЭГ ШУУД ҮЗЭХ: