Паратаеквондогийн дэлхийн 5, Ази тивийн 4 удаагийн аварга, "Токио-2020" паралимпын наадмын шагналт байр, Үндэсний шигшээ багийн тамирчин Г.Болор-Эрдэнийн тухай 2019 онд хийгдсэн "Who I Am" /Би хэн бэ?/ баримтат киног бүрэн эхээр нь толилуулж байна.

"Токио-2020" паралимпын наадмын таеквондогийн төрөлд монголын хамгийн анхны эрхийг авч ирж улмаар шагналт байранд шалгарсан ОУХМ Г.Болор-Эрдэнэ дэлхийд дараах амжилтуудыг үзүүлжээ. 

• ”Москва-2014” ДАШТ Алтан медаль, шилдэг тамирчин

• “Самсун-2015” ДАШТ Алтан медаль

• “Лондон-2017” ДАШТ Алтан медаль

• “Анталья-2019” ДАШТ Алтан медаль, шилдэг тамирчин

• "Истанбул 2021" ДАШТ Алтан медаль тус тус хүртсэн бол Ази тивдээ 2015, 2016, 2017, 2018 онуудын Алтан медаль медаль хүртэж 2019 оны ААШТ-д хүрэл, 2021 оны ААШТ-д мөнгөн медаль хүртсэн байна. 

Тэрээр хамгийн сүүлд буюу хэдхэн хоногийн өмнө дэлхийн чансааны эхний 16 тамирчин өрсөлдөх эрхтэй, чансаа өндөр Софи гран при тэмцээнд тулалдаж хүрэл медаль хүртэн монгол түмнээ дахин баярлуулсан талаар бид мэдээлсэн билээ. 

Спортоор хичээллэгч хүүхэд, залуус маань Г.Болор-Эрдэнэ аваргаас үлгэр дууриалал авч зорьсон зорилгынхоо төлөө тууштай хичээгээрэй.