Дэлхийн таеквондогийн холбооноос шилдэг шинэ залуу тамирчдыг тодруулах үүднээс гран при челленж тэмцээнийг анх удаа зохион байгуулах гэж байна. 

Энэ сарын 10-12-ны өдрүүдэд БНСУ-ын Мужу хотноо "World Taekwondo Grand Prix Challenge-2022" тэмцээн зохион байгуулагдана. Тэмцээн шинэчлэгдсэн дүрмийн дагуу, олимпын жингийн ангиллаар зохион байгуулагдах ба манай улсаас үндэсний шигшээ багийн дасгалжуулагч Д.Лхагвадорж, Хо Инёон нарын удирдлага дор дараах тамирчид тулалдана. 

• -58кг жинд: Т.Энхжин, Б.Соёл-Эрдэнэ, С.Ган-Эрдэнэ, Ё.Пүрэвдаш
• -68кг жинд: Э.Буяншагай, Д.Чинзориг, Ц.Баянбат
• -80кг жинд: А.Азбаяр нар тулалдана. 

Тэмцээнд медаль хүртсэн тамирчид олимпын чансааны оноо авахаас гадна дараах шагналыг хүртэх юм. 

Алтан медаль: 4000 ам.доллар, Манчестер 2022 гранпри тэмцээнд оролцох эрх
Мөнгөн медаль: 2000 ам.доллар, Манчестер 2022 гранпри тэмцээнд оролцох эрх  
Хүрэл медаль:  1000 ам.долларын шагнал тус тус хүртэнэ. 

Манай тамирчид тэмцээн болох газраа хүрэлцэн очоод байгаа бөгөөд одоогоор бусад улсуудын багуудтай хамтарсан бэлтгэлээ базааж байна. 

Тэмцээний эхний өдөр бую маргааш /6.10/ манай -68кг жинд өрсөлдөх манай гурван тамирчин Улаанбаатарын цагаар 08:00 цагт тулалдах ба таеквондогийн спортыг дэмжигч www.livetv.mn/sport сайт шууд дамжуулан үзүүлнэ. 

Тэмцээний хоёр дахь өдөр /6.11/

-58кг жинд манай дөрвөн тамирчин тулалдана

Тэмцээний гурав дахь өдөр /6.12/

-80кг жинд А.Азбаяр тулалдах тус тус хуваарьтай байна.