Одоогоос яг нэг жилийн өмнө олимпын хошой хүрэл, дэлхийн гурван удаагийн аварга М.Эбинума зодог тайлж буйгаа зарлаж байсан бол өнөөдөр тэрээр Англид суурьших болсноо мэдэгдсэн байна.
Өдгөө 32 настай домогт аварга Уэльсийн жүдо бөхийн дасгалжуулагчаар ажиллахын сацуу Англи хэлний боловсролоо дээшлүүлэх зорьж буй аж.
Эбинума 2011, 2013, 2014 онуудад 66 кг жинд дэлхийн аварга болж улмаар 2018 оноос жин өгсөн 73кг жинд барилдах болсон юм. Энэ нь түүнд том сорилт байсан ба алдарт Оно, Хашимото аваргуудтай нэг жинд өрсөлдөх болсон юм. 2019 оны Осакагийн Их дуулга тэмцээний финалд Хашимотог ялж алтан медаль авч, Японы дотоодын тэмцээнд Шохэй Оно аваргыг ялж байсан ч их дуулга тэмцээнд хоёр удаа учраа таарч ялагдаж байлаа. Тэрээр өнгөрсөн онд "Токио-2020" олимпын наадамд оролцохоор сонгогдоогүй нь зодог тайлах шийдвэрээ гарахад нөлөөлсөн байна.
Taatai bna