Японы мэргэжлийн сумо бөхийн Хацу башёгийн 14 дэх өдрийн барилдааны тоймыг толилуулж байна. 

Ёкозүна Тэрүнофүжи Г.Ган-Эрдэнэ, Секивакэ Митакеуми нар 11 даваа, хоёр унаатайгаар башёг тэргүүлж байсан бол өчигдөр Ёкозүна Тэрүнофүжи Г.Ган-Эрдэнэ өвдөг шороодон Аби, Секивакэ Митакеуми нар ээлжит даваагаа авлаа. Ийнхүү 14 өдрийн дараах байдлаар Секивакэ Митакеуми ганцаараа 12 даваа, хоёр унаатайгаар тэргүүлж байгаа бол 11 даваа, гурван унаатай гурван бөх түүний ард эрэмбэлэгдэж байна. 

Хацу башёгийн 14 дэх өдөр дээд зиндаанд барилдсан монгол бөхчүүдийн даваа, унааны мэдээлэл: 

Маэгашира 5 Чиёошома Г.Мөнхсайхан (4-10) - Маэгашира 16 Цуругишо (6-8)
Маэгашира 3 Тамаваши Б.Мөнх-Оргил (8-6) - Маэгашира 2 Ура (7-7)
Маэгашира 2 Ичиножо А.Ичинноров (7-7) - Маэгашира 3 Эндо (6-8)
Маэгашира 1 Кирибаяама Б.Лхагвасүрэн (5-9) - Маэгашира 4 Хокутофүжи (6-8)
Маэгашира 6 Хошорюу С.Бямбасүрэн (10-4) - Озеки Шодай (5-9)
Ёкозүна Тэрүнофүжи Г.Ган-Эрдэнэ (11-3) - Маэгашира 6 Аби (11-3)

Жич: Тухайн өдөр давсан бөхчүүдийн нэрийг улбар шар өнгөөр тодруулсан болно. 

Өчигдрийн онцлох барилдаан бол Хошорюу С.Бямбасүрэн Озеки Шодайтай дөрөв дэх удаагаа учраа тааран барилдаж дөрөв дараалан ялсан барилдаан байлаа.