Жүдо бөхийн 2022 оны Гранд мастерсийн эрэгтэйчүүдийн 13, эмэгтэйчүүдийн 12 дахь удаагийн Улсын аварга шалгаруулах тэмцээн зохион байгуулагдаж байна.
Эрэгтэй, эмэгтэй тус бүр долоон жинд 30 наснаас 60-аас дээш нас хүртэл нийт долоон насны ангилалд зохион байгуулагддаг энэ удаагийн тэмцээн Спортын төв ордон дахь жүдо бөхийн бэлтгэлийн танхимд зохион байгуулагдаж байна.
Тэмцээнийг С1 телевиз шууд дамжуулан үзүүлж байгаа та шууд дамжуулалтыг үзэхийг хүсвэл ЭНД дарна уу.
Ахмад тамирчид улсын аваргаа тодруулж буй энэ агшинд манай залуу тамирчид Узбекистан улсын нийслэл Ташкент хотноо олон улсын хамтарсан бэлтгэлд хамрагдаж байна. Энэ сарын 25-ныг хүртэл үргэлжлэх хамтарсан бэлтгэлд ОХУ, Австри, Ливан, Энэтхэг, Монгол, Казахстан, Кыргызстаний шигшээ багийн нийт 500 гаруй жүдоч хамрагдаж байгаа юм. Манай тамирчид хамтарсан бэлтгэлээ өндөрлүүлээд Португали улсын Алмада хотноо 28-ны өдөр эхлэх гран при тэмцээнд оролцох юм.
