“Парис-2024” олимпын эрхийн төлөөх шинэ мөчлөг эхлэх гэж байгаа тул IJF буюу Олон улсын жүдо бөхийн холбоо барилдааны дүрэмд өөрчлөлт орууллаа.
Олон улсын жүдо бөхийн холбооны гаргасан шүүлтийн шинэ дүрмүүд нь өнөөдрөөс эхлэн хэрэгжиж эхлэх ба 2024 оныг дуустал дахин өөрчлөлт орохгүй юм. Шинэчлэгдсэн дүрмийн үндсэн зарчим нь жүдо бөхийг илүү эрч хүчтэй, үзэгчдийн сонирхлыг татахуйц болгоход чиглэсэн байна.
Олимпын мөнгөн медальт, дэлхийн аварга, IJF-ийн шүүгчдийн хянагч Нейл Адамс шинэчлэгдсэн дүрмийг дэлгэрэнгүй тайлбарласан видеог хүлээн авч үзнэ үү.
Энэ оны эхний томоохон тэмцээн бол 2022 оны нэгдүгээр сарын 28-30-ны хооронд Португалид болох Одивелас-2022 Гран При тэмцээн байх ба одоогийн байдлаар 22 орны 134 тамирчин оролцох урьдчилсан мэдүүлгээ өгөөд байна. Энэ жилийн тухайд Монгол улсад Улаанбаатар-2022 их дуулга ангиллын тэмцээн зургаадугаар сард зохион байгуулагдах юм.
