Франц улсын Бретинь-сюр-Орж хотноо 40 дэх удаагийн жүдо бөхийн цэргийн дэлхийн аварга шалгаруулах тэмцээн зохион байгуулагдаж байна.
Энэ удаагийн тэмцээнд 22 орны 200 гаруй тамирчид өрсөлдөж байгаа ба эхний өдөр жүдо бөхийн хөнгөн жингийн ганцаарчилсан барилдаанууд явагдаж аваргуудаа тодрууллаа. Эмэгтэйчүүдийн -48кг жинд "нутгийн эзэн" Ш.Боукли түрүүлж ОХУ И.Долгова удаалсан байна. Эмэгтэйчүүдийн -57кг жинд сэргээшийн асуудлаас үүдэлтэйгээр хоёр жил орчим тэмцээнд оролцох эрхээ хасуулаад байсан Рио-2016 олимпын аварга Р.Силва эргэн ирэлтээ хийж өөрийн үндсэн жинд (-57кг жин) түрүүллээ.
Тэрээр цэргийн ДАШТ-д 2018 онд, цэргийн наадамд 2015, 2019 онуудад түрүүлж байсан юм.
Өнөөдөр тэмцээний хоёр дахь өдөр эрэгтэйчүүдийн -81, -90, -100, +100кг, эмэгтэйчүүдийн -70, -78, +78кг жингүүдийн барилдаан явагдана.
Харин маргааш Пара-жүдогийн арга хэмжээ болох ба 11 дүгээр сарын 2-ны өдөр багийн барилдаан явагдана.
