"Токио-2020" олимпын наадам, жүдо бөхийн гурав дахь өдрийн барилдаан Ниппон Будокан ордонд үргэлжлэн явагдаж байна.
Өнөөдөр хуваарийн дагуу эрэгтэйчүүдийн -73кг, эмэгтэйчүүдийн -57кг жингийн барилдаанууд явагдаж байна.
Эмэгтэйчүүдийн -57кг жинд: Рио-2016 олимпын наадмын мөнгө, дэлхийн аварга МУГТ Д.Сумъяа хүч үзэх ба тэрээр эхний тойрогт залуучуудын дэлхийн аваргын хүрэл медальт Словенийн К.Кажатай барилдах оноолттой байна. Удаах тойрогт тэдний хэн ялсныг Бакугийн их дуулгын аварга Тайванийн Лиен Чен Лин хүлээж байна. Д.Сумъяа аварга Тайванийн бөхтэй өмнө нь таван удаа учраа таарахад гурван удаад нь давж байсан түүхтэй.
Эрэгтэйчүүдийн -73кг жинд: Залуучуудын ДАШТ-ий хошой мөнгөн медальт Ц.Цогтбаатар эхний тойрогт гоц мөргөж хоёрдугаар тойрогт Гвинейн В.Самбатай барилдана. Таамгийн дагуу Ц.Цогтбаатар тус жинг тэргүүлэн барилдаж буй дэлхийн аваргын мөнгөн медальт Шведийн Томми Масиастай хэсгийн аваргын төлөө барилдах магадлал тун өндөр. Т.Масиастай өмнө нь хоёр удаа учраа таарахад хоёуланд нь Ц.Цогтбаатар ялж байсан түүхтэй.
