Монголын жүдо бөхийн холбооноос "Токио-2020" олимпын наадамд эрэгтэйчүүдийн -60кг жинд эх орноо төлөөлөн оролцох тамирчныг шалгаруулах сорил барилдаан зохион байгууллаа. 

Олон улсын жүдо бөхийн холбооноос /IJF/ "Токио 2020" олимпын наадамд жүдо бөхийн төрлөөр оролцох боломжтой тамирчдын шинэчилсэн чансааг гаргасан юм. Шинэчилсэн чансаагаар дөрвөн жинд монгол тамирчид хосоороо багтаж байснаас эрэгтэйчүүдийн -60кг жинд сорил барилдааныг хийлээ. Монгол тамирчид давхарласан жингүүдийн мэдээллийг ЭНД дарж үзнэ үү. 

Дөнгөж сая эрэгтэйчүүдийн -60кг жинд дэлхийн аваргын мөнгөн медальт МУГТ Д.Амартүвшин ОУХМ Л.Өнөболдтой нийт 18 минутын барилдаан хийж ваза-ари үнэлгээ аван олимпын наадамд зодоглох эрхээ авлаа. Энэ жил 34 настай хашир туршлагатай мастер Д.Амартүвшин одоогоос 10 жилийн өмнө Алматыд зохион байгуулагдсан Дэлхийн цомд түрүүлэхдээ 60кг жинд барилдаж байсан ба түүнээс хойш тогтмол өөрийн үндсэндээ жиндээ амжилттай барилдаж байна.  

Тун удахгүй монголын жүдо бөхийн холбооноос "Токио-2020" олимпын наадамд зодоглох монголын баг, бүрэлдэхүүнийг албан ёсоор зарлана.