Жүдо бөхийн дэлхийн аварга шалгаруулах тэмцээн дөрөв дэх өдрөө амжилттай үргэлжлэн явагдаж байна. 

Унгар улсын Будапешт хотноо зохион байгуулагдаж буй энэ удаагийн ДАШТ-д 118 орны 665 тамирчин оролцож байна. Монгол улсаас энэ удаагийн ДАШТ-д оролцох баг, тамирчдын мэдээллийг ЭНД дарж үзнэ үү. Тэмцээний дэлгэрэнгүй хуваарийг ЭНД дарж үзнэ үү. 

Тэмцээний эхний өдөр манайхны медалийн салхийг хагалан хүрэл медаль хүртсэн эмэгтэйчүүдийн -48кг жинд Хайбрид Хаус, Жи Мобайль, Visa Team багийн тамирчин, дэлхийн аваргын иж бүрэн медальт МУГТ М.Уранцэцэгийн бүх барилдааны бичлэгийг ЭНД дарж үзнэ үү. 

Харин тэмцээний хоёр дахь өдөр эрэгтэйчүүдийн -66кг жинд хүрэл медаль хүртсэн ОУХМ Ё.Басхүүгийн бүх барилдааны бичлэгийг ЭНД дарж үзнэ үү. 

Дөрвөн өдрийн дараах байдлаар Япон улсын баг, тамирчид гурван алт, хоёр мөнгө, нэг хүрэл медаль хүртсэн амжилтаар тэргүүлж байгаа бол Монголын баг, тамирчид хоёр хүрэл, гурван шагналт байранд орсон амжилтаар тус тэмцээнд оролцож буй 118 орноос медалийн чанараар 12-т эрэмбэлэгдэж байна. 

Өчигдөр буюу тэмцээний дөрөв дэх өдөр эрэгтэйчүүдийн -81кг, эмэгтэйчүүдийн -63кг жингийн барилдаанууд явагдлаа. Эрэгтэйчүүдийн -81кг жинг тэргүүлэн барилдсан дэлхийн аваргын мөнгөн медальт Бельгийн К.Маттиас жингийнхээ шилдгүүдийг өвдөг сөхрүүлсээр дэлхийн аварга боллоо. Тэрээр мөн Бельги улсаас төрөн гарч буй анхны жүдо бөхийн дэлхийн аварга болж байна.