Олимп, дэлхийн аварга ОХУ-ын нэрт бөх Иван Ярыгиний нэрэмжит чөлөөт бөхийн 32 дахь удаагийн "Алтан Гранпри" тэмцээний бүх дэвжээг нэгэн зэрэг шууд дамжуулан үзүүлж байна.
Дэлхийн чансааны оноо олгох энэхүү тэмцээнд манай улсаас дэлхийн аваргын мөнгө, гурван хүрэл медальт, МУГТ О.Насанбурмаа, ДАШТ-ий хошой хүрэл медальт ОУХМ Б.Шоовдор тэргүүтэй 20 бөх зодоглож байна. Манай баг, бүрэлдэхүүний мэдээллийг ЭНД дарж үзнэ үү.
Өчигдөр буюу тэмцээний эхний өдөр эмэгтэйчүүдийн 50,55,59,65 кг, эрэгтэйчүүдийн 57,61,70 кг жингийн урьдчилсан болон хагас шигшээ барилдаанууд явагдаж манай бөхчүүд дараах амжилтыг үзүүллээ.
- Эмэгтэйчүүдийн 65 кг жинд энэ жилийн Ази тивийн аварга ОУХМ З.Болортунгалаг гурав ялж өнөөдөр алтан медалийн төлөө хүч үзнэ.
- 59 кг жинд ОУХМ Б.Шоовдор, Э.Даваачимэг нар хоорондоо барилдаж хэн ялсан нь жиндээ түрүүлнэ.
- 55 кг жинд ОУХМ Б.Халиунаа хүрэл медалийн төлөө барилдана.
- 50 кг жинд “Женко” клубийн тамирчин Д.Отгонжаргал мөн хүрэл медалийн төлөө барилдана.
- Харин эрэгтэйчүүдийн 57 кг жинд П.Дашцэрэн, 61 кг жинд Н.Ганбаяр, эмэгтэйчүүдийн 55 кг жинд Б.Марал нар тэмцээнээ өндөрлүүллээ.
Өнөөдөр тэмцээний хуваарь ёсоор эмэгтэйчүүдийн 50,55,59,65 кг, эрэгтэйчүүдийн 57,61,70 кг жингийн дагах болон шигшээ барилдаан, эмэгтэйчүүдийн 53,57,62 кг, эрэгтэйчүүдийн 65,79,125 кг жингийн хэсгийн болон хагас шигшээ барилдаанууд явагдана.
А ДЭВЖЭЭГ ШУУД ҮЗЭХ
В ДЭВЖЭЭГ ШУУД ҮЗЭХ
С ДЭВЖЭЭГ ШУУД ҮЗЭХ
