"Токио-2020" олимпын наадмын эрхийн төлөөх таеквондогийн ази тивийн тэмцээн өнөөдөр албан ёсоор эхэллээ.
Энэ удаагийн эрхийн тэмцээнд манай улсаас таеквондогийн үндэсний шигшээ багийн гурван тамирчин оролцож байгаа ба манай тамирчдын танилцуулгыг ЭНД дарж үзнэ үү.
Өнөөдөр эрэгтэйчүүдийн -68кг жинд ОУХМ А.Нацагдорж залуучуудын олимпын наадмын мөнгө, дэлхийн аваргын хүрэл, Ази тивийн хошой аварга Узбекистаны Рашитов Улугбекд ялагдан тэмцээнээ өндөрлүүллээ. Манай тамирчныг ялсан Узбекистаны тамирчин цааш хагас шигшээд шалгараад байна.
Тэгвэл тэмцээний хуваарь ёсоор маргааш буюу тавдугаар сарын 22-ны өдөр эрэгтэйчүүдийн -58кг жинд манай улсаас тулалдах М.Түмэнбаярын сугалаа гарлаа. М.Түмэнбаяр чансааны дагуу 3-т эрэмбэлэгдэж байгаа ба эхний тойрогт 2019 оны Азийн нээлттэй тэмцээний аварга Филиппиний Б.К.Брайнтай тулалдах оноолт гарчээ.
