12 дахь удаагийн снукер биллиардын ахмадын дэлхийн аварга шалгаруулах тэмцээн өчигдөр албан ёсоор эхэлж эхний дөрвөн тоглолт явагдлаа.
Тэмцээний эхний өдөр дэлхийн долоон удаагийн аварга домогт Стефен Хэндригийн тоглолт үзэгчдийн анхаарлын төвд байсан нь дамжиггүй. Өдгөө 52 настай домогт аварга эхний тойрогт Ирландын 70 настай Патси Фагантай тоглож 3:0 харьцаагаар хожин шөвгийн наймд тунан үлдлээ.
Өнөөдөр /тавдугаар сарын 7-ны өдөр/ хуваарь ёсоор шөвгийн 16-ын үлдсэн дөрвөн тоглолт 19 цагт /Улаанбаатарын цагаар/ 1997 оны мэргэжлийн снукер биллиардын дэлхийн аварга Ирландын Кен Дохертигийн тоглолтоор эхлэх ба манай сайт уламжлал ёсоор шууд дамжуулан үзүүлэх болно.
