Мэргэжлийн снукер биллиардын дэлхийн аварга шалгаруулах тэмцээний шөвгийн 16-д шилдгийн шилдгүүд тунан үлдээд байгаа тул өрсөлдөөн тун ширүүн явагдаж байна.
Шөвгийн 16-д энэ удаагийн ДАШТ-д өрсөлдсөн Ронни О Сулливан, Жон Хиггинс, Нейл Робертсон, Стуарт Бингхам, Жадд Трамп, Марк Виллиамс, Марк Селби, Шаун Мөрфи нарын найман дэлхийн аварга тамирчид бүгд шалгараад байсан ч Ронни, Жон Хиггинс нарын ДАШТ-д хамгийн олон удаа түрүүлсэн аваргууд хожигдон тэмцээнээ дуусгалаа.
Урьд шөнө шөвгийн 16-ын хамгийн сонирхолтой учраа болох дэлхийн дөрвөн удаагийн аварга Жон Хиггинс болон дэлхийн гурван удаагийн аварга М.Виллиамс нарын тоглолт тун үзүүштэй явагдаж М.Виллиамсын ялалтаар өндөрлөлөө. Тоглолтын эхнээс М.Виллиамс маш задгай тоглож эхэлсэн ба үнэндээ бэлтгэлдээ "аархаж" хожлоо. Хоёр тамирчны хожил, хожигдлын харьцаа 35:22 буюу Жон Хиггинс аварга харьцангуй илүү хожилтой байснаас гадна сүүлийн учраандаа илүүрхэн хожоод байсан тул бооцоо тавигчдын дийлэнх нь Жон Хиггинсийг хожно хэмээн таамаглаж байлаа. Гэвч энэ удаад М.Виллиамс өөртөө төгс итгэлтэйгээр цохилтуудыг гүйцэтгэн давшилсаар найм дахь удаагаа ДАШТ-ий шөвгийн наймд шалгарлаа. Түүний цохилт хоорондын дундаж хугацаа 18.1 секунд байсан бөгөөд энэ удаагийн ДАШТ-ий хамгийн хурдан цохилтыг гүйцэтгэж буй тамирчнаар нэрлэгдээд байна.
Энэ удаагийн дэлхийн аварга шалгаруулах тэмцээний салхийг хагалан дэлхийн зургаан удаагийн аварга Ронни О Сулливан Марк Жойсыг буулган авсан билээ. Тус тоглолтыг ЭНД дарж үзнэ үү.
Дэлхийн аварга Нейл Робертсон Хятадын Лиан Венбог илт илүүрхэн буулган авч (10:3) шөвгийн 16-д шалгарсан тоглолтыг ЭНД дарж үзнэ үү.
Дэлхийн дөрвөн удаагийн аварга Жон Хиггинс Хятадын Тиан Пенфейг хожсон тоглолтыг ЭНД дарж үзнэ үү.
Дэлхийн аварга Стуарт Бингхам болон Дин Жунхуй нарын шийдвэрлэх тоглолтыг ЭНД дарж үзнэ үү.
Дэлхийн чансааг тэргүүлэгч Жадд Трамп аварга өөрийн нутаг нэгт Лиам Хайфийлдийг илүүрхэн буулган авсан тоглолтыг ЭНД дарж үзнэ үү.
Шөвгийн 16-д Ронни О Сулливан болон Антоны Макгилл нарын шийдвэрлэх тоглолтыг ЭНД дарж үзнэ үү.
