Сонирхогчдын боксын залуучуудын дэлхийн аварга шалгаруулах тэмцээний хагас шигшээ тоглолтууд явагдлаа.
Польш улсын Кийлс хотноо зохион байгуулагдаж буй сонирхогчдын боксын залуучуудын ДАШТ-д манай улсаас эрэгтэй дөрөв, эмэгтэй дөрөв буюу нийт найман тамирчин тулалдаж байгаа ба манай баг, бүрэлдэхүүний мэдээллийг ЭНД дарж үзнэ үү.
ДАШТ-ий хагас шигшээ тоглолтын өмнө тэмцээнд оролцож буй 66 орноос 17 орон медалийн болзол хангаад байлаа. Тэмцээнийг зохион байгуулагч Польш улсын баг зургаан медалийн болзол хангасан амжилтаар тэргүүлж байгаа бол Монгол улсаас эмэгтэйчүүдийн 51кг жинд боксын үндэсний шигшээ багийн тамирчин А.Хулан, эрэгтэйчүүдийн 52кг жинд үндэсний шигшээ багийн тамирчин Э.Сүхбат нар хүрэл медалийн болзол хангасан юм.
Манай тамирчид өчигдөр ОХУ-ын боксчидтой мөнгөн медалийн төлөөх тулаанаа хийсэн ч харамсалтай нь ялагдан хүрэл медаль хүртэж тэмцээнээ өндөрлүүллээ.
А.Хулан хагас шигшээд ОХУ-ын боксчинтой тулалдсан тулааны бичлэгийг бүрэн эхээр нь толилуулж байна.
А.Хулангийн хүрэл медалийн төлөөх тулааныг бүрэн эхээр нь ЭНД дарж үзнэ үү.
Э.Сүхбатын хүрэл медалийн төлөөх тулааныг бүрэн эхээр нь ЭНД дарж үзнэ үү.
Манай сайт сонирхогчдын боксын залуучуудын ДАШТ-ийг дөрөвүгээр сарын 23-ны өдрийг хүртэл 11 хоногийн турш шууд дамжуулан үзүүлэхээс гадна монгол ширэн бээлийтнүүдийхээ тулааны бичлэг болон явцын мэдээллийг тогтмол, шуурхай хүргэж байна.
