Сонирхогчдын боксын залуучуудын дэлхийн аварга шалгаруулах тэмцээн өрсөлдөөнтэй явагдаж байна.
Польш улсын Кийлс хотноо зохион байгуулагдаж буй сонирхогчдын боксын залуучуудын ДАШТ-д манай улсаас эрэгтэй дөрөв, эмэгтэй дөрөв буюу нийт найман тамирчин тулалдаж байгаа ба манай баг, бүрэлдэхүүний мэдээллийг ЭНД дарж үзнэ үү.
Тэмцээний эхний өдөр эрэгтэйчүүдийн 56кг жинд Б.Алтантулга манайхны салхийг хагалан, урамтай сайхан тулалдаж ялалт байгуулсан тулааныг бүрэн эхээр нь ЭНД дарж үзнэ үү.
Тэмцээний гурав дахь өдөр манай улсаас гурван ширэн бээлийтэн рингнээ тулалдсан ба эрэгтэйчүүдийн 52кг жинд Э.Сүхбат Германы боксчинтой тулалдаж 5:0 харьцаагаар ялалт байгуулсан тулааны бичлэгийг бүрэн эхээр нь ЭНД дарж, Энэтхэгийн боксчинг буулган авч шөвгийн наймд шалгарсан тулааныг ЭНД дарж тус тус үзнэ үү.
Урьд шөнө эрэгтэйчүүдийн -69кг жинд манай улсаас тулалдсан А.Жандос Тайландын боксчинг 4:1 харьцаагаар ялж шөвгийн 16-д шалгарсан тулааныг бүрэн эхээр нь толилуулж байна.
Өнөөдөр буюу дөрөвдүгээр сарын 16-ны орой /Улаанбаатарын цагаар/ 20:00 цагаас эмэгтэйчүүдийн -51кг жинд А.Хулан Украины боксчинтой тулалдана.
Манай сайт сонирхогчдын боксын залуучуудын ДАШТ-ийг дөрөвүгээр сарын 23-ны өдрийг хүртэл 11 хоногийн турш шууд дамжуулан үзүүлэхээс гадна монгол ширэн бээлийтнүүдийхээ тулааны бичлэг болон явцын мэдээллийг тогтмол, шуурхай хүргэж байна.
