24 дэх удаагийн олимпын таеквондогийн насанд хүрэгчдийн Европын аварга шалгаруулах тэмцээнийг шууд дамжуулан үзүүлж байна.
Болгар улсын София хотноо зохион байгуулагдаж буй олимпын таеквондогийн насанд хүрэгчдийн Европын аварга шалгаруулах тэмцээн өнөөдөр гурав дахь өдрөө үргэлжлэн явагдаж байна. Таеквондогийн спортод үе солигдож, шинэ үе хүч түрэн орж ирж буйг илтгэх тэмцээн болж байна. Тодруулбал: Тэмцээний эхний өдөр алтан медаль хүртсэн тамирчид 20-оос доош насны шинэ залуу аваргууд байлаа. Хоёр өдрийн дараах байдлаар эрэгтэй, эмэгтэй тус бүр дөрвөн жинд ОХУ-ын тамирчид хоёр алт, нэг мөнгө, хоёр хүрэл медаль хүртсэн байна.
Өчигдөр явагдсан олимпын жин буюу эмэгтэйчүүдийн -57кг жинд олимпын хошой аварга Их Британийн Жейд Жонес аварга таамгийн дагуу түрүүлсэн бол дэлхийн аваргын мөнгөн медальт Туркын Хатис Кубра Илгун мөнгөн медаль хүртлээ. Харин эрэгтэйчүүдийн -68кг жинд дэлхийн аваргын мөнгөн медальт Их Британийн Брадли Синден энэ жилээс насанд хүрэгчдийн ангилалд хүч үзэх болсон залуучуудын дэлхийн аварга ОХУ-ын Цакоев Сарматад ялагдан мөнгөн медаль хүртлээ.
Өнөөдөр тэмцээний гурав дахь өдөр эрэгтэйчүүдийн -74кг, -80кг (олимпын жин), эмэгтэйчүүдийн -62кг, -67кг (олимпын жин) жингүүдийн тулаан үргэлжлэн явагдаж байна.
НЭГДҮГЭЭР ДЭВЖЭЭГ ШУУД ҮЗЭХ:
ХОЁРДУГААР ДЭВЖЭЭГ ШУУД ҮЗЭХ:
ГУРАВДУГААР ДЭВЖЭЭГ ШУУД ҮЗЭХ:
