Японы мэргэжлийн сумо бөхийн Хару башёгийн сүүлийн буюу 15 дахь өдрийн барилдааныг шууд дамжуулан үзүүлж байна. 

14 өдрийн дараах байдлаар дээд зиндаанд Сэкеваке Тэрүнофүжи Г.Ган-Эрдэнэ ганцаараа 11 даваа, гурван унаатайгаар башёг тэргүүлж байгаа бол түүний ард Озеки Такакейшо нарын гурван бөх 10 даваа, дөрвөн унаатай нэхэж байна. 14 дэх өдрийн барилдааны тойм болон таван зиндаанд барилдаж буй монгол бөхчүүдийн явцын мэдээллийг ЭНД дарж үзнэ үү. 

Өнөөдөр дээд зиндаанд барилдаж буй монгол бөхчүүдийн оноолтын мэдээлэл. 

• Маэгашира 9 Хошорюү С.Бямбасүрэн (8-6) - Маэгашира 15 Хиденоуми (9-5)
• Маэгашира 6 Тамаваши Б.Мөнх-Оргил (5-9) - Маэгашира 13 Тэрүцүёоши (7-7)
• Маэгашира 13 Чиёошома Г.Мөнхсайхан (7-7) - Маэгашира 1 Оношо (4-10)
• Маэгашира 4 Кирибаяама Б.Лхагвасүрэн (6-8) - Маэгашира 1 Такарафүжи (3-11)
• Маэгашира 6 Ичиножо А.Ичинноров (7-7) - Комүсүби Митакеуми (7-7)
• Сэкеваке Тэрүнофүжи Г.Ган-Эрдэнэ (11-3) - Озеки Такакейшо (10-4)

Өнөөдөр Тэрүнофүжи Г.Ган-Эрдэнэ, Озеки Такакейшо нар тав дахь удаагаа учраа тааран барилдах ба өмнө нь Тэрүнофүжи Г.Ган-Эрдэнэ өрсөлдөгчөө нэг удаа давж, гурав унаад байгаа юм. Хэрэв өнөөдөр давбал шууд түрүүлэх ба хэрэв ялагдвал нэмэлт барилдаан гарна.