Жүдо бөхийн "Мастерс-2021" тэмцээн өнөөдөр хуваарийн дагуу эрэгтэйчүүдийн -73, -81, эмэгтэйчүүдийн -63, -70 жингийн барилдаануудаар үргэлжлэн явагдана. 

Өнөөдөр гурван жинд дэлхийн аварга С.Моллай тэргүүтэй манай таван бөх зодоглоно. 

Эрэгтэйчүүдийн -73кг

Энэ жинд 30 бөх зодоглож байгаа ба манай улсаас дэлхийн аваргын хүрэл, Мастерсийн мөнгөн медаль Г.Одбаяр А хэсэгт Египтийн бөхтэй, D хэсэгт Ц.Цогтбаатар Германы бөхтэй эхний тойрогт тус тус барилдах оноолттой байна. 

Эрэгтэйчүүдийн -81кг

Энэ жинд энэ удаагийн Мастерс тэмцээний хамгийн олон оролцогч буюу нийт 34 тамирчин зодоглож байгаа ба манай улсаас дэлхийн аварга С.Моллай D хэсэгт эхний тойрогт гоц мөргөж, хоёрдугаар тойрогт дэлхийн аваргын хүрэл медальт Гүржийн Л.Майсурадзетэй барилдана. Харин О.Ууганбаатар А хэсгийн эхний тойрогт олимпийн аварга Х.Халмурзаевтай барилдах оноолттой байна. 

Эмэгтэйчүүдийн -63кг

ОУХМ Б.Ганхайч эхний тойрогт ОХУ-ын Д.Давидоватай учраа таарсан байна. 

 Хэсгийн барилдаан өнөөдөр Улаанбаатарын цагаар 16:00 цагт эхлэх ба манай сайт уламжлал ёсоор шууд дамжуулан үзүүлэх болно.