Мэргэжлийн снукер биллиардын дэлхийн аварга шалгаруулах тэмцээн, Мастерс тэмцээний дараа эрэмбэлэгдэх алдарт "UK Championship" тэмцээн эхэллээ.

1977 онд анх зохион байгуулагдаж эхэлсэн тус тэмцээн 1984 оноос дэлхийн чансаа олгох хоёр дахь том тэмцээн болон зохион байгуулагдаж эхэлсэн түүхтэй. Өнгөрсөн хугацаанд "UK Championship" тэмцээнд алдарт Ронни О Сулливан аварга хамгийн олон удаа буюу долоон удаа түрүүлсэн байдаг бол Стив Девис аварга 6, Стефен Хэнри аварга 5 удаа тус тус түрүүлсэн байдаг. Харин өнгөрсөн онд Ази тивийн төлөөлөл болох Дин Жунхуй гурав дахь удаагаа түрүү хүртсэн юм. 

Ирэх сарын 6-ны өдрийг хүртэл Англи улсын Милтон Кийнес хотноо зохион байгуулагдаж буй "UK Championship" тэмцээнд 128 тамирчин өрсөлдөж байна. 

Өчигдөр тэмцээний нэгдүгээр тойргийн тоглолтууд явагдаж эхэлсэн ба аваргуудаас дэлхийн 4 удаагийн аварга Жон Хиггинс аварга Ирланд тоглогч Фергал ОБрейнийг итгэл төгс буулган авлаа. 

Мөн түүнчлэн дэлхийн гурван удаагийн аварга Марк Селби Велсийн Майкл Уайтыг 6:4 харьцаагаар хожлоо.