Монгол Улсын гавьяат тамирчин, сонирхогчдын боксын олимп, дэлхийн мөнгөн медальт, мэргэжлийн боксын рингэнд арван тулаан хийж 10 давсан босоо аварга "King Tug" Н.Төгсцогт хэсэг хугацаанд бэртэлтэй байсан хэдий ч одоо бэлтгэлдээ нэгэнт гарчээ. Түүний дараагийн өрсөлдөгч хэн байх бол гэж боксын эспертүүд хүлээсээр. Ганц ч ялагдаагүй түүнд "Чанга" өрсөлдөгч тааруулах сонирхол бүгдэд бий. Магадгүй тэр нь Филиппин улсын амьд домог Manny Pacquiao байгаасай гэж хүлээсэн хүмүүс их байгаа бололтой. Manny Pacquiao-ийн хувьд мэргэжлийн рингэнд нийт 69 тулаан хийснээс 60 ялалт (39 тулаанд өрсөлдөгчөө хүнд цохилтоор буулган авсан) байгуулсан боксын ноён оргилуудын нэг тул 10 тулаан хийж нэг ч ялагдаагүй байгаа King Tug буюу Н.Төгсцогтод яг тохирсон "Чанга" өрсөлдөгч мөнөөсөө мөн юм.
