Олон улсын сагсанбөмбөгийн холбооноос 17 хүртэлх насны 5х5 төрлийн ур чадварын "FIBA U17 World Skill Challenge" тэмцээнийг зохион байгуулж байна.  

Энэ жил 17 хүртэлх насны 5х5 төрлийн дэлхийн аварга шалгаруулах тэмцээн зохион байгуулагдахаар төлөвлөгдсөн ч цар тахлын улмаас хойшлогдсон ч ур чадварын FIBA U17 World Skill Challenge тэмцээнийг анх удаа цахим хэлбэрээр зохион байгуулж байна. Сагсан бөмбөгийн түүхэнд анх удаа зохион байгуулагдаж буй ур чадварын FIBA U17 World Skill Challenge тэмцээн нь дундын зайн шидэлт, алсын шидэлт, шулуун дамжуулалт, саадыг бөмбөгтэй тойрох зэрэг дөрвөн ур чадвараар өрсөлдөнө. 

Энэхүү тэмцээнд манай улсын эрэгтэй, эмэгтэй баг урьдчилсан шатанд өрсөлдөж эмэгтэй баг хасагдах шатанд шалгарч чадаагүй бол хөвгүүд маань тун амжилттай өрсөлдөж  үндсэн хэсэгт тоглох эрхээ авсан. Улмаар С хэсэгт Турк, Уганда, Беларусь улсын багуудтай таарсан ба манай хөвгүүд өрсөлдөгчдөө бүгдийг нь хожин хэсгээсээ 1-ээр гарлаа. 

Манай баг шөвгийн 8-д Пуэрто Рико улсын багтай маргааш /08.21/ тоглох хуваарьтай байна.