Спорт мэдээ, мэдээллийн www.livetv.mn/sport суваг мэргэжлийн снукер биллиардын ДАШТ-ийг шууд дамжуулан үзүүлэхээс гадна өдөр өдрийн онцлох тоглолтуудын бичлэгийг цувралаар толилуулж байна.
Өчигдөр тоглолтуудын дуулианаар дэлхийн чансааны 4-т бичигдэж буй Хойд Ирландын Марк Аллен ДАШТ-д анх удаа өрсөлдөж буй Велсийн Жимми Кларкт хожигдон үзэгчдийн суудалд шилжсэн бол 2005 оны дэлхийн аварга Шаун Мөрфи мөн хожигдон тэмцээнээс хасагдлаа.
Дэлхийн аварга Шаун Мөрфи Тайландын Ноппон Саенгхам нар өмнө нь хоёр удаа таарч тоглоход Шаун Мөрфи хоёуланд нь хожиж байлаа. Харин энэ удаад Тайланд залуу 10:4 харьцаагаар дэлхийн аваргыг буулган авч шуугиан тарилаа.
Тоглолтын дараа Ноппон Саенгхам: "Энэ бол миний амьдралдаа хийсэн хамгийн том ялалт байлаа. Магадгүй энэ миний мөрөөдөл ч байсан байж мэднэ. Хоёрдугаар тойрогт дэлхийн гурван удаагийн аварга Марк Селбитэй илүү их хичээж тоглох болно"
Харин Шаун Мөрфи "Би үнэхээр шоконд орлоо. Миний бэлтгэл хангалттай сайн байсан. Гэхдээ бид бүгд хүн шүү дээ. Алдаа гаргалаа. Өрсөлдөгч маань харин маш сайн байлаа"
