Мэргэжлийн снукер биллиардын дэлхийн аварга шалгаруулах тэмцээнийг шууд дамжуулан үзүүлж байна.
Хавар зохион байгуулагдах ёстой байсан хэдий ч ковид-19 цар тахлын улмаас арга буюу хугацаа нь хойшилж долоодугаар сарын 31-ний өдрөөс наймдугаар сарын 16-ны өдрийг хүртэл Англи улсын Шеффиелд хотноо зохион байгуулагдах юм.
Дэлхийн чансааг тэргүүлэгч 16 тамирчин болон урьдчилсан шалгаруулалтад тэнцсэн 16 тамирчин буюу нийт 32 тамирчин өрсөлдөх юм. Урьдчилсан шалгаруулалтад 128 оролцсон байна.
Энэ удаагийн ДАШТ-ий нийт шагналын сан нь монгол мөнгөөр ойролцоогоор 8,8 тэрбум төгрөг байх юм. Харин түрүүлсэн тамирчин 1,8 тэрбум төгрөг хожих ба түрүү жил Жадд Трамп анхныхаа түрүүг хүртсэн. Өнөөдөр эхний тоглолт түүний тоглолтоор эхлэх ба өөрийн нутаг нэгт Том Фордтой учраа таарчээ. Хоёр тамирчны хувьд өмнө нь 14 удаа учраа таарахад 10 удаад нь Жадд Трамп хожоод байгаа юм.
