Спортын домгууд булангийнхаа энэ удаагийн дугаараар эмэгтэйчүүдийн чөлөөт бөхийн дэлхийн аварга МУГТ С.Цэрэнчимэдийн дэлхийн аварга болсон барилдаануудыг толилуулж байна. 

Өмнөх дугаарт: 

Дэлхийн аварга шалгаруулах тэмцээнд хамгийн олон удаа түрүүлсэн Японы алдар Саори Ёшиадгийн тухай нийтлэлийг ЭНД дарж үзнэ үү. 

Монголын чөлөөт бөхийн түүхэн дэх анхны эмэгтэй олимп, дэлхийн медальтан МУГТ С.Батцэцэгийн тухай нийтлэлийг ЭНД дарж үзнэ үү. 

2017 оны дэлхийн аварга, Ази тивийн 2018 оны алт, 2014 оны мөнгө, Иван Ярыганы нэрэмжит Алтан гранпри тэмцээний гурван удаагийн аварга МУГТ П.Орхоны барилдаануудын бичлэгийг ЭНД дарж үзнэ үү. 

Монголын чөлөөт бөхийн эмэгтэйчүүдээс дэлхийн аварга болсон гурван хүчтэн байдгийн нэг нь МУГТ С.Цэрэнчимэд юм. Тэрээр 2013 онд залуучуудын дэлхийн аварга болж улмаар 2014 онд насанд хүрэгчдийн дэлхийн аварга дараалан болсон түүхтэй. 

Өнөөдөр түүний "Ташкент-2014" ДАШТ-д хэрхэн барилдаж дэлхийн аварга болсон барилдаануудын бичлэгийг толилуулахаар бэлтгэлээ. 

Тэрээр эхний барилдаанаа Европын таван удаагийн аварга, ДАШТ-ний мөнгө, таван удаагийн хүрэл медальт ОХУ-ын Наталья Гольцийг 7:0 харьцаагаар яллаа. 

1/8 шигшээд Японы Кацуки Сакагамитэй барилдан цэвэр ялж хагас шигшээд үлдлээ. 

Хагас шигшээд 2015 оны дэлхийн аваргын мөнгө, 2018 оны дэлхийн аварга Финландын Петро Оллитэй учраа тааран 5:0 харьцаагаар яллаа. 

Аваргын алтан медалийн төлөө Лондон-2012 олимпийн хүрэл, дэлхийн аваргын иж бүрэн медальт Азербайжаны Юлия Раткевичтэй барилдан 12:3 харьцаагаар илт илүүрхэн буулган авлаа.