Жүдо бөхийн төрлөөр олимпийн наадамд медаль хүртсэн домогт бөхчүүдээ цувралаар танилцуулж байна.

Монголын жүдочид зуны олимпийн наадмаас нэг алт, гурван мөнгө, дөрвөн хүрэл медаль буюу нийт найман медаль хүртээд байна.

Монголын жүдочдоос хамгийн анхны олимпийн медалийг хүртсэн Ардын багш, МУГТ Ц.Дамдин, МУГТ Р.Даваадалай нарын тухай нийтлэлийг ЭНД дарж үзнэ үү.

Атлантагийн олимпоос Монголын цорын ганц медалийг хүртсэн Д.Нармандахын барилдааны бичлэг болон нийтлэлийг үзэхийг хүсвэл ЭНД дарна уу.  

2004 оны Афины олимпийн наадамд Монгол улсаас нэг медаль хүртсэн нь мөн л жүдо бөхийн төрлөөр МУГТ Х.Цагаанбаатар хүртсэн байдаг. Тус олимпод Монгол улсаас долоон спортын төрөлд эрэгтэй 13, эмэгтэй долоон тамирчин, нийт 20 тамирчин зодоглосноос эхний өдөр жүдо бөхийн -60 кг жинд зодоглосон МУГТ Х.Цагаанбаатар хүрэл медаль хүртсэн юм. 

Тэрээр эхний тойрогт Ази тивийн аваргын хүрэл медальт Энэтхэгийн Акрам Шахыг, шөвгийн 16-д АНУ-ын бөхийг ялж улмаар хэсгийн аваргын төлөө 2003 онд дэлхийн аваргад түрүүлсэн БНСУ-ын Чой Мин-Хог давсан юм. Х.Цагаанбаатар аваргад ялагдсан Чой Мин-Хо 2008 оны Бээжингийн олимпийн наадамд түрүүлсэн бол хоёр бөхийн хувьд 2004, 2007, 2011, 2012 онуудад дөрвөн удаа учраа таарах бүрийдээ Х.Цагаанбаатар аварга давж байлаа. 

Хагас шигшээ барилдаанд 1996, 2000, 2004 онуудад гурван олимп дараалан аварга болсон Японы домогт Т.Номура аваргад ялагдан дагах барилдаан хийхээр боллоо. Хүрэл медалийн төлөөх барилдаанд Япон гаралтай Испанийн Кенжи Уэмацуг давж хүрэл медаль хүртлээ.