Волейболын дэлхийн шилдэг багуудыг цувралаар танилцуулж байна.
Эрэгтэйчүүдийн дэлхийн чансааг Бразилын шигшээ баг 427 оноотойгоор тэргүүлж байгаа ба тэдэнд амжилтын арвин түүх бий. Бразилын шигшээ багийн амжилтаас товчхон дурдвал:
- Олимпийн наадмын гурван алт, гурван мөнгө
- ДАШТ-ний гурван алт, гурван мөнгө
- Дэлхийн цомын гурван алт, гурван хүрэл
- Өмнөд Америк тивийн 32 удаагийн аварга гээд тэдний амжилтын жагсаалт тасралтгүй үргэлжилнэ.
Бразилын эрэгтэй шигшээ багийг 2011-2016 оны хооронд дасгалжуулж байсан Бернардо Резендег бүх цаг үеийн волейболын хамгийн шилдэг дасгалжуулагч хэмээн өргөмжилдөг ба түүний удирдаж байх үеийн Бразилын шигшээ багийг "Мөрөөдлийн баг" хэмээн цоллодог байлаа.
2000 оны Сиднейн олимпийн наадамд Бразилын эрэгтэйчүүдийн шигшээ баг зургаадугаар байранд орж уналтад орсны дараа тухайн үеийн эмэгтэйчүүдийн шигшээ багтайгаа олимпийн наадмаас хүрэл медаль хүртээд байсан дасгалжуулагч Бернардо Резендаг эрэгтэйчүүдийн шигшээ багтаа урьсан нь "нүдээ олсон" шийдвэр байлаа. Энэ цагаас хойш тэд "Мөрөөдлийн баг" шиг байж чадсан ба 2002 онд түүхэндээ анх удаа дэлхийн аварга болсон юм. Улмаар 2006, 2010 онуудад буюу гурван ДАШТ дараалан түрүүлж, 2014, 2018 оны ДАШТ-ээс дараалан мөнгөн медаль хүртээд байна.
