Японы мэргэжлийн сумо бөхийн хару башёгийн 14 дэх өдрийн барилдааныг шууд дамжуулан үзүүлж байна.
Өчигдрийн барилдаанд аваргууд ээлжит даваагаа авсан бол башёг ганцаараа тэргүүлж байсан Аойяама маэгаширагийн 9 дэх бөх Таканошод өвдөг шороодсоноор 11 даваа хоёр унаатай болж даваа, унааны харьцаа нь аваргуудтай ижил боллоо. 13 дахь өдрийн барилдааныг нөхөж үзэхийг хүсвэл ЭНД дарна уу.
Өнөөдөр Хакухо аварга өөртэйгөө даваа, унаа ижил яваа Аойяаматай учраа таарсан байна. Тэд өмнө нь 22 удаа таарахад 21 удаад нь их аварга давсан байдаг. 2015 оны намрын тэмцээнд нэг л удаа унаж байсан ба түүнээс хойш таарах бүртээ Хакухо аварга давсан байна.
Харин Какүрюү М.Ананд /11-2/ аварга өнөөдөр секиваке Асанояамтай /10-3/ барилдах оноолттой байна. Хоёр бөхийн хувьд өмнө нь гурван удаа таарахад Асанояама аваргыг хоёр дараалан ялаад байгаа.
Жич: Тухайн өдрийн барилдааны шууд дамжуулалтын бичлэг барилдаан дуусахад устдаг тул та үзэж амжаагүй бол маргааш өглөө нийтлэгдэх тойм бичлэгийг хүлээн авч үзэх боломжтой.
