Японы мэргэжлийн сумо бөхийн хару башёгийн ес дэх өдрийн барилдааныг шууд дамжуулан үзүүлж байна.

Өчигдөр дээд зиндаанд барилдаж бөхчүүдээс их аварга Хакухо М.Даваажаргал ганцаараа уналгүйгээр найм давж 49 дэх удаагаа уналгүйгээр качикоши хийсэн юм. Өчигдрийн барилдааны тоймыг нөхөж үзэхийг хүсвэл ЭНД дарна уу. 

Өнөөдөр 9 дэх өдөр Хакухо аварга маэгаширагийн 5-т эрэмбэлэгдэж буй Руйдентэй /4-4/барилдана. Өмнө нь хоёр бөхийн хувьд хоёр удаа учраа таарахад Хакухо аварга хоёр удаа давж байлаа. Харин Какүрюү М.Ананд аварга маэгаширагийн 4-т эрэмбэлэгдэж буй Абитэй /4-4/ барилдана. Какүрюү аварга өмнө нь Абитэй таван удаа таарч барилдахдаа дөрвөн удаад нь давж байлаа. Харин Тамаваши Э.Мөнх-Оргил /2-6/ башёг тэргүүлэгчдийн нэг болох Таканошотой /7-1/ анх удаа барилдана. 

Харин Жүрёо башёд манай долоон бөх барилдаж байгаа ба өнөөдөр манай сайт жүрёо зиндааны барилдаанаас эхлэн шууд дамжуулалтыг үзүүлж байна. 

Жич: Тухайн өдрийн барилдааны шууд дамжуулалтын бичлэг барилдаан дуусахад устдаг тул та үзэж амжаагүй бол маргааш өглөө нийтлэгдэх тойм бичлэгийг хүлээн авч үзэх боломжтой.