Мэргэжлийн снукер биллиардын дэлхийн чансаа олгох Гибралтарын нээлттэй тэмцээн аваргуудгүй үргэлжилж байна.
Өчигдөр тэмцээний хоёр дахь 64 тамирчны тоглолтууд явагдлаа. Корона вирус болон бусад шалтгаанаар тэмцээнд оролцохоос татгалзсан дэлхийн аварга Нейл Робертсон, Жон Хиггинс, Грим Дотт нар тэмцээнийг өнжсөн тул тэдэнтэй оноолт таарсан тамирчид сул хожил авч байна. Энэ удаагийн Гибралтар опен тэмцээний нэгдүгээр тойрогт 128 тамирчин оноолтод орсноос 13 тамирчин тэмцээнд оролцолгүй өнжөөд байна.
Өчигдөр дэлхийн чансааг тэргүүлж буй Жадд Трамп харьцангуй чансаа доогуур тамирчидтай учраа таарсан тул төвөггүйхэн хожлууд байгуулж шөвгийн 16-д шалгараад байна.
